DIREKTORADO DI ASUNTUNAN LABORAL
Riba nivel sentral Direktorado di Asuntunan Laboral ta enkargá ku trabounan riba tereno di labor. Direktorado di Asuntunan Laboral tin e.o. siguiente tarea:

• Traha nota di maneho i konseho, bini ku proposishon pa desaroyá, ahustá, vigilá i (laga) ehekutá un maneho nashonal enkuanto labor i riba tereno di seguridat i inspekshon di labor;
• Prepará, implementá i manehá lèi i preskripshonnan di gobièrnu sentral tokante esakinan i alabes kontrolá kumplimentu ku nan;
• Promové asuntunan sosial i di labor internashonal, manera por ehèmpel e relashon ku Organisashon di Labor Internashonal (ILO).

E trabounan di Direktorado den e kuadro aki, ta riba tereno di maneho i sosten di esaki ku investigashon tantu kualitativo (tokante kalidat) komo kuantitativo (tokante kantidat).
Tambe Direktorado ta duna konseho riba tópikonan laboral-hudisial, ora ta nesesario interpretá lèinan laboral i ta traha banda di esaki riba evaluashon i modernisashon di legislashon laboral.

Riba nivel internashonal e aktividatnan ya menshoná ta relashoná en partikular ku Organisashon di Labor Internashonal (ILO), manera trahamentu di raportahe pa ILO, representashon di Antia Ulandes na Konferensha di Labor Internashonal anual na Geneva i duna konseho enkuanto tratadonan di ILO.

SEKSHON EHEKUSHON
“Sekshon Ehekushon” di Direktorado di Asuntunan Laboral na Kòrsou, Sint Maarten i Bonèiru ta atende e.o. ku kontròl riba kumplimentu ku lèinan laboral i atendementu di keho ku ta surgi fo’i relashon di trabou entre dunadó di trabou i trahadó. Luego e sekshon ta media den kasonan di konflikto laboral ku ta surgi aki i aya. Banda di esaki ta atendé ku petishon pa asistensia hurídiko grátis (wak foyeto: asistensia hurídiko grátis). E sekshon ta trata tambe ehekushon di stipulashonnan di Ordenansa Sentral Tèrminashon Kombenio laboral, kaminda en partikular ta regla petishon di retiru di dunadó di trabou. Pa mas informashon, wak foyeto: dunadó di trabou i retiru i trahadó i retiru.

E lèinan sentral di labor ku Sekshon Ehekushon ta kontrolá riba kumplimentu di nan ta entre otro:

• Ordenansa Sentral Suèldu Mínimo (wak foyeto: suèldu mínimo)
• Lei di regulashon di trabou 2000 (wak foyeto: flèksibilisashon di lèinan laboral, durashon di labor, pousa, tempu di sosiegu i overtaim, rekompensa pa overtaim/dianan di fiesta)
• Areglo di fakansi 1949 (wak foyeto: fakansi i dianan di fiesta)

Kódigo Sivil (wak foyeto: kombenio di trabou).

DIREKSHON DIREKTORADO DI LABOR
Kòrsou: Schouwburgweg 22
tel.: (09) 461-9999
fax: (09) 461-5553
e-mail: info@diraz.an
website: www.diraz.an

Bonèiru: Kaya Korona 30
tel.: (0717) 8941
fax: (0717) 8144

Sint Maarten: Walter Nisbeth Road 57 (antes edifisio di SVB)
tel.: (054) 37509 -37510
fax: (054) 24099

NIVEL INSULAR
Riba nivel insular tambe tin servisio ku ta enkargá ku trabounan riba tereno di labor (i asuntunan sosial). Nan ta okupá ku e.o. tareanan di registrashon, kontròl i otro tareanan riba tereno di merkado di labor; entre nan tin:
- mediashon di labor (media entre buskadó i dunadó di trabou);
- konseho i informashon riba skohementu di fishi;
- registrashon di labor (inkluso dunamentu i kontròl di buki di trabou) i empresa;
- konseho riba pèrmit di trabou pa trahadó strañeru;
- inspekshon di seguridat;
- maneho riba tereno laboral.

Banda di esakinan ta duna diferente servisio na personanan sin o ku menos rekurso (onfermogen), manera:
- dunamentu di ayudo finansiero i sosial (onderstant);
- supsidio pa awa i koriente;
- dunamentu di kuido médiko pa pober (karchi- pp; karchi’ gobièrnu);
- pagamentu di gastu pa manda grandinan kas di ansiano i muchanan den internat pa hoben;
- i diferente otro servisio riba tereno di kuido sosial.

Riba nivel insular ta traha na:
Kòrsou: Dienst voor Arbeidszorg
Bellisimaweg 17
tel.: (09) 737-1200
fax: (09) 736-5711
e-mail: info.daz@curacao-gov.an

Servisio Trabou i Entrada/Ban Bario Bèk
Mortiersweg 5, ofisina prinsipal, edefisio "Amerikan Business Center"
tel.: (09) 737-8513
fax: (09) 737-7651
e-mail:info.dwi@curacao-gov.an

Bonèiru: Servisio Asuntu Ekonómiko i di Labor
Kaya Amsterdam 21
tel.: (0717) 5330
fax: (0717) 7309
e-mail: afddeza@bonairelive.com

Servisio pa Asuntunan Sosial
Boulevard Julio Abraham 3
tel.: (0717) 5330
fax: (0717) 8841
e-mail: saso@bonairelive.com

Sint Maarten: Departamentu di Kuido & Labor
W.J.A. Nisbeth RD 57
tel.: (054) 30170
fax: (054) 23569