Entrante
di 23 di sèptèmber 2000 e siguiente
reglanan, ku ta desviá for di lei regulashon di trabou 2000
ta válido.
Durashon
di trabou
• Durashon di trabou ta maksimal 48 ora pa siman
kalkulá over un periodo di kuater siman i no mag surpasá
10 ora pa dia
• Durashon di trabou inkluso overtaim ta
maksimal 55 ora pa siman kalkulá over un
periodo di kuater siman i no mag surpasá 11 ora pa dia.
Ku otro palabra, pa konta e kantidat di ora trahá ta sali
for di un periodo di 4 siman i asina ta krea posibilidat pa skùif
ku ora.
• Durashon di trabou nokturno (trabou nokturno
= ora un trahadó traha konforme su roster di trabou riba
òf despues di 0.00’or i promé ku 06’or
di mainta), ta, sin konta pousa, maksimal 8½ pa dia.
Periodo
di sosiegu i pousa
• E dia den siman ku segun roster ta konta komo dia di sosiegu
di e trahadó (e dia di sosiegu mester kai kada 13 siman maske
ta un biaha riba djadumingu).
• Diariamente e tempu promé i despues di durashon di
su trabou, kon tal ku su tempu di sosiegu den 24 ora ta mínimal
11 ora sin interupshon.
• Dianan di fiesta
Riba
kada dia ku un trahadó traha mas ku seis ora, su trabou mester
keda interumpí dor di un pousa di por lo ménos mei
ora, basta ku trabou ta permití esaki.
Overtaim
Overtaim ta ora e trahadó:
• traha mas largu ku durashon maksimal di trabou pa dia òf
pa siman; e tin e ora ei derecho riba pago di 150%
• traha riba su dia di sosiegu òf un dia di fiesta;
e tin e ora ei derecho riba 200%
Partidonan
por kumbiní por eskrito ku ta paga overtaim den forma di
“time-back”
Si e trahadó keda yamá pa traha “overtaim riba
un dia, ku no ta su dia di trabou ta konsiderá sin mas ku
e overtaim e dia ei a dura minimal 3 ora.
Den kaso ku traha overtaim i durashon di trabou inkluso overtaim
ta 10 ora òf mas e dunadó di trabou ta obligá
pa duna e trahadó un kuminda kayente òf sèn
p’esaki.
Stand-by (konsignashon)
Konsignashon
ta un lapso di tempu entre dos servisio durante kual e trahadó
ta obligá pa ta alkansabel.
Den
e kaso aki ta e oranan ku realmente labor a keda ehersé despues
di yamada ta konta komo orario di trabou. Den kaso di un òf
mas yamada dentro di mei ora di tempu ta ser konsiderá ku
labor a dura por lo ménos mei ora.
Trabou hasi durante konsignashon mester keda paga komo overtaim.
Direktor
di Direktorado di Labor por buta kondishonnan èkstra pa durashon
di trabou (inkluso overtaim),orario di trabou, pousa i oranan di
sosiegu pa un trahadó òf un grupo di trahadó.
Ojo:
tur otro stipulashonnan di reglulashon di trabou 2000 (P.B. 2000
no 67) ta keda
na vigor manera:
•
prohibishon di trabou pa menor di edat bou 15 aña;
• ku ta dunadó di trabou ta disidí en prinsipio
ku e tin trahadó di skema òf no trahadó di
skema;
• den tur empresa mester tin un “arbeidslijst”
kologá;
• “arbeidslijsten” ku ta enserá trahadónan
di skema mester keda entrega” na Direktorado di Labor;
• dunadó di trabou ta obligá pa riba petishon
di Direktorado entrega un registro di su personal;
• dunadó di trabou ta obligá pa registrá
overtaim i entrega esaki riba petishon di Direktorado;
• krímen ta keda sanshoná ku kastigu di prizon
di maksimal 4 aña i/òf un multa di maksimal Nafls.
100.000,--;
• infrakshon ta keda sanshoná ku enkarselashon di maksimal
1 aña i/òf un multa di maksimal Nafls 25.000,--.
